«قاتتىق كۈلمەڭ يامان بولىدۇ،
سۈرمە سۈرمەڭ يامان بولىدۇ.
ھاراق ئىچمەڭ، ئىچكەنلەرگە ھەم،
يېقىن يۈرمەڭ يامان بولىدۇ.

«ئايالىڭىز پەرەنجە ئارتسۇن،
ئوچۇق يۈرسە يامان بولىدۇ.
چىقمىغايكى قىزلار تالاغا،
بىراۋ كۆرسە يامان بولىدۇ.»

«كالاچ- مەسە كەيسۇن ئوغلىڭىز،
شىبلىپ كىيسە يامان بولىدۇ.
ئەنئەنىمىز ئېغى كەڭ ئىشتان،
يالغان دېمەڭ يامان بولىدۇ»

«قولىڭىزنى ئۈچ قېتىم يۇيۇڭ،
تۆت يۇسىڭىز يامان بولىدۇ.
ھاراق قۇيغان شىرەگە ئەگەر،
نان قويسىڭىز يامان بولىدۇ

«دۇرۇس ئەمەس پۇلنى كۆپ تاپقان،
بۇغا باقماڭ يامان بولىدۇ.
كەچ كىرگەندە ئۆي چۇۋۇشتۇرۇپ،
كىگىز قاقماڭ يامان بولىدۇ»

                  مەنبە:ئەلكۈيى تور بېتى